Երևանի Լսողության խանգարումներ ունեցող երեխաների հատուկ կրթահամալիրի ավագ դասարանների սաները “Ժեստերի լեզու” առարկայի շրջանակներում համագործակցային դասի անցկացման նպատակով այցելեցին “Էօրնեկեան” հանրակրթական դպրոց, որտեղ ներկայացրեցին այլընտրանքային հաղորդակցման միջոց` ժեստերի լեզվի առանձնահատկությունները, մատնատառերն ու մատնաձևերը։

Խոսեցին բոլոր դպրոցների համար ընդհանրական ուսումնական ծրագրերից, ընթերցեցին Վահան Տերյանի ,,Իմ խաղաղ երեկոն է հիմա,, բանաստեղծությունը` բառային խոսքով և ժեստերով։

Հանդիպումն ամփոփվեց Տերունական աղոթքով

Ստեղծվեց աննախադեպ ջերմ և մտերմիկ մթնոլորտ, ընկերություն ձևավորվեց հերթական լսող աշակերտական խմբի հետ։ Աշակերտները հրաժեշտ տվեցին միմյանց նոր հանդիպման ակնկալիքով։