facebook

 

ՆՈՐՈՒԹՅՈԻՆՆԵՐ


«Աստղիկ» ԲԿ-ն Հայաստանում առաջինն է ձեռք բերել Helena -AC4 ավտոմատ ...
Իմանալ ավելին
Oգոստոսի 31-ին Ֆրեզնոյում կբացվի Վիլյամ Սարոյանի տուն-թանգարանը   Ֆրեզնոյում ...
Իմանալ ավելին
Samsung-ը պատրաստվում է թողարկել iPhone-ին մրցակից Samsung-ը կթողարկի Galaxy S10-ի 3 ...
Իմանալ ավելին
ԱԺ մշտական հանձնաժողովը միաձայն հավանություն տվեց ԸՕ փոփոխության ...
Իմանալ ավելին
ԱԺ պատգամավորների 1/3–ը Փաշինյանին առաջադրել է վարչապետի թեկնածու Ազգային ...
Իմանալ ավելին
ԱՍՏԾՈ ԽՈՍՔԸ ԿԼՍՎԻ ՆԱԵՎ ԺԵՍՏԵՐԻ ԼԵԶՎՈՎ Ս / թ նոյեմբերի 22 -ին կրթահամալիրի ...
Իմանալ ավելին
Աստվածաշունչը թարգմանվել է ժեստերի լեզվով   24 Մարտ, 2017   Արարատյան ...
Իմանալ ավելին
Prev Next

ՏԵՍԱՆՅՈՒԹ

«Աստղիկ» ԲԿ-ն Հայաստանում առաջինն է ձեռք բերել Helena -AC4 ավտոմատ կոագուլաչափ

19422.jpg

«Աստղիկ» բժշկական կենտրոնը ձեռք է բերել Helena - AC4 նոր անալիզատոր: Սա Հայաստանում առաջին ավտոմատ կոագուլաչափն է՝ Helena Biosciences Europe ընկերությունից:

Սեպտեմբերի 6-ին «Աստղիկ» ԲԿ-ում Helena Biosciences Europe (Newcastle, UK) ընկերության ներկայացուցիչ Զահրա Ալթաիին (Zahra Altaii) ուսուցողական սեմինար անցկացրեց Երեւանի մի շարք բժշկական լաբորատորիաների ներկայացուցիչների մասնակցությամբ:

«Աստղիկ» ԲԿ լաբորատորիայի ղեկավար Մարինե Մանուկյանը NEWS.am Medicine-ի հետ զրույցում նշեց, որ Helena AC4 ավտոմատ կոագուլաչափը մեկ թեստը կատարում է գրեթե 6 րոպեում, իսկ ստանդարտ կոագուլագիրը կազմված է 6 թեստից (խորացված հատուկ հետազոտությունների համար դրանց թիվը կարող է ավելին լինել):

Նրա պարզաբանմամբ՝ կոագուլագիրը շատ դեպքերում է անհրաժեշտ. սա պարտադիր թեստ է հղիների համար՝ արյան մակարդելիությունը ստուգելու նպատակով, այն անհրաժեշտ է սրտային պաթոլոգիաների բուժման վերահսկողության համար եւ պարտադիր է վերակենդանացման հիվանդների համար: «Կոագուլագիրը պարտադիր է նաեւ բոլոր վիրաբուժական հիվանդների համար, որպեսզի վիրահատության ընթացքում բացառվեն արյունահոսության հետ կապված հնարավոր խնդիրները»,- ասաց Մարինե Մանուկյանը:

Ինչպես նշեց Հայաստանում Helena Biosciences Europe-ի պաշտոնական ներկայացուցիչ «Մաունթ» ՍՊԸ-ի վաճառքի հարցերով մենեջեր Կարեն Գրիգորյանը, այլ ֆիրմաների նույնպիսի անալիզատորների համեմատությամբ՝ այս սարքի առավելությունը մատչելի գինն է: «Այնպիսի երկրների համար, ինչպիսին Հայաստանն է, սա առավել օպտիմալ տարբերակն է»,- ասաց նա:

Կարեն Գրիգորյանը հավելեց, որ Helena AC4-ը համակարգչի հետ կապի համար հատուկ ծրագրային ապահովում ունի: Սարքի աշխատանքի վերահսկողությունն իրականացվում է անմիջապես բրիտանական ֆիրմայի կողմից: Նրա խոսքով՝ «Աստղիկ» ԲԿ-ում ընդհանրապես գործարկված է Lis ծրագիրը, որը հնարավորություն է տալիս բժիշկներին սեփական համակարգչում տեսնել հիվանդների լաբորատոր հետազոտությունների պատասխանները:

Հասցե։ Հայաստան, Երևան Նորքի այգիներ փողոց, 193 շենք (Նորք-Մարաշ վարչ. շրջան)

Հեռախոս:+374-10-651050  +374-10-651060

+374-10-652114